باقل من 20 ريال اعمل سيرفر خاص في BugHunter

بعشر دقايق وبأقل من 20 ريال ، تسوي السيرفر الخاص فيك اللي راح يساعدك كثيير كـ PT أو BugHunter بالسّرعة والآداء والمساحة والـ Ports forwarding وغيرها .

طيب ممكن تقولون بعد ماأسوي السيرفر ( في حال كان لينكس مثلا) مانعرف نتّصل SSH ونتعامل مع السيرفر من الـ termnal ابد ولايهمكم بعد مانسوي السيرفر راح أعطيكم أحد الطرق للـ Remote Desktop يصير تدخل على السيرفر كأنك داخل على جهازك طبيعي جدا 👌🏻 بسم الله ..

1) الخطوة الأولى تروح الله لايهينك وتسوي حساب هنا

DigitalOcean – The developer cloud

https://www.digitalocean.com

بعد ماتسوي الحساب تدخل وبتلاقي طرق دفع كثيرة اختار اللي يناسبك وادفع فقط 5$ ( سيرفرنا اللي بنحجزه للشرح بيكون 5$ فقط وتختلف الأسعار بإختلاف مواصفات السيرفر )

بعد مادفعنا وسجلنا دخول ، هنا فقط نتّبع الأرقام اللي أنا موضّحها :

-بعدها نختار نوع النظام للسيرفر ( حسب رغبتك ) -ثم مكان الداتا سينتر للسيرفر ( ماتفرق كثير ) -وآخر شي مواصفات السيرفر وكل مواصفات راح تشوف السعر موضّح عليها

ننزل تحت شوي ، نلقى خيارين للـ Authentaction إمّا عن طريق SSH keys أو عن طريق Password ، نختار الخيار الثاني وهو الـ Password

وأخيرا ننزل تحت ونضغط Create Droplet ، بعدها راح ننتقل لصفحة جديدة وونتظر شوي لين مايكتمل تجهيز السيرفر بعد مايكتمل تجهيز السيرفر راح يطلع لنا الـ IP الخاص بالسيرفر ننسخه وخلاص نسحب ع الموقع ( إلا في حال كنت بتعدل على بعض الإعدادات )

الآن نتّصل SSH ونتأكد إن الأمور تمام ( مايحتاج تتأكدون ) هي خطوة فقط للتأكيد (قدعنة ) طبعا بشرح بعد شوي طريقة الإتصال SSH لإن راح نحتاجها في خطوة الـ Remote Desktp

حلوين حلوين إنتهينا من السيرفر وألف مبروك صار سيرفرك جاهز ، الحين نبدأ نجهّز الـ Remote Desktop راح نعتمد على برنامج X2GO ومن موقعهم الرسمي أتوقع تقدر تحمل النسخة اللي تناسب نظامك ( لينكس ، ماك ، ويندوز ) وفيه طريقة التحميل مشروحة بموقعهم

https://wiki.x2go.org

(للي نظامهم لينكس)، تدخل من جهازك على التيرمنال وبعدها تنفّذ هالأوامر : apt-get install x2goclient x2goclient وللي نظامهم ماك او ويندوز يحمّل النسخة المناسبة من الرابط فوق

بعد ماحمّلنا الـ X2GO على الجهاز عندنا ، الحين جاء دور نحمّله على السيرفر اللي سويناه . نفتح التيرمنال من جهازنا ونتّصل على السيرفر عن طريق الـ SSH ، تكتب بالتيرمنال : ssh root@yourServerIp yourServerIp : هنا تحط الـ IP الخاص بالسيرفر بعدها نحط الباسوورد وندخل

لأهل الويندوز ممكن تتّصلون عن طريق PuTTY تقدرون تبحثون باليوتيوب عن طريقة الإتصال لأي سيرفر عن طريق الـ PuTTY، طريقة سهلة جدا لاتشلون هم بعد مااتّصلنا بالسيرفر اللي علينا نطبّق الأوامر التالية ( السيرفر في حالتنا هنا لينكس ) في حال كان السيرفر ويندوز إرجع للطريقة بموقعهم فوق

sudo apt-get install python-software-properties sudo apt-get install software-properties-common sudo add-apt-repository ppa:x2go/stable sudo apt-get update sudo apt-get install x2goserver x2goserver-xsession apt install xfce4 sudo apt-get update

خلصنا ؟ الحمد لله على السلامة -الحين نفتح برنامج X2GO من جهازنا ونسوي new session -وبعدها نحط الاعدادات زي الصورة بالضبط -ندخل صفحة تسجيل الدخول -واخيرا نكتب الباسوورد للروت وندخل

واخييييرا ، كل شي جاهز ومثل ماتشوفون سجلنا دخول وهذا هو السيرفر

لاتغرّكم التغريدات اذا شفتوها كثير ترا والله الشغل كله على بعضه ماياخذ منّك وقت خصوصا إذا تعوّدت عليه ، طبّق مرة وحدة وممكن تتعب فيها شوي بس ، والباقية مستقبلا بتكون سهلة وسريعة جدا وآخر شي زي مانقول دايماً ( ياليت الشرح ينفع ولو شخص واحد فقط ) دعواتكم🙏🏻 Happy Hunting

بقلم :

الاخ Mesh3l